par Livre Second des voyages du Sieur de Champlain
Chapitre II
Le Cap de Rase, attenant à l’Isle de Terre-neufue, est la terre la plus proche de France, esloignée de 25. lieuës de Lecore du grand banc, où se faict la pesche du poisson vert, il est par la hauteur de 46. degrez & 35. minutes de latitude, & d’iceluy cap à celuy de saicte Marie 22. lieuës, & de hauteur 46. degrez trois quarts, & de ce lieu iusques aux Isles sainct Pierre 23. lieuës, du bout de celle qui est le plus Arrouest, & dudit cap de Rase aux Isles sainct Pierre 45. lieuës, qui sont de hauteur prés de 46. & deux tiers, & 40. lieuës iusques au cap de Raye, de hauteur 47. & demy, dans toutes ces costes du Su de ladite Isle de terre neufue, y a nombre de bon ports, rades, & haures, entr’autres Plaisance, la baye des Trespassez, celle de tous les Saincts, comme aussi ausdites Isles sainct Pierre où plusieurs vaisseaux vont faire pesche de poisson sec.
